Close
Mamlakatning yetakchi oliy harbiy ta’lim muassasasi – Toshkent shahrida joylashgan O’zbekiston Respublikasi Harbiy xavsizlik va mudofaa universitetining rasmiy saytiga xush kelibsiz! Umid qilamizki, tashrifingiz sizga yoqadi va siz ushbu saytda juda ko’p foydali ma’lumotlarni topasiz. Sizga taqdim etilayotgan saytning asosiy maqsadi: Harbiy xavfsizlikva mudofaa universiteti haqida umumiy tasavvur, o’quv maskanidagi ta’lim jarayoni va keng ko’lamdagi imkoniyatlarga oid ma’lumotlar berishdir.
Dunyodagi vaziyatning murakkablashuvi, qudratli davlatlar o‘rtasida ziddiyatlarning chuqurlashishi, mintaqamizda mavjud va ehtimolli xavf-xatarlar va tahdidlar ko‘lamining ortib borishi, yon-atrofimizda davom etayotgan nizolar va vaqti-vaqti bilan vujudga kelayotgan qurolli to‘qnashuvlar milliy armiyamiz uchun kadrlar tayyorlash tizimini tubdan isloh qilishni taqozo etmoqda.
O‘zbekiston Respublikasi Harbiy xavfsizlik va mudofaa universiteti mamlakatimizda harbiy ilm-fan rivojlanishida, yangidan-yangi ilmiy innovatsion kashfiyotlar olib borishda lokomativ manbaiga aylanishi lozim.
Yangi O‘zbekiston Taraqqiyot strategiyasiga muvofiq amalga oshirilayotgan ochiqlik siyosati davrida Qurolli Kuchlarimiz uchun harbiy kadrlarni shonli o‘tmishimiz buyuk sarkadarlari – Jaloliddin Manguberdi, Amir Temur, Zaxiriddin Muhammad Bobur va shu kabi istiqlol yo‘lida hayotini fido qilgan jadid ota-bobolarimizdek vatanparvar, o‘z burchi va qasamyodiga sodiq, milliy ruh va o‘zligimizni chuqur anglovchi va qadriga yetadigan, yuqori intellektual salohiyat va liderlik qobiliyatlariga ega, zamonaviy xavf-xatarlarga har tomonlama dosh bera oladigan va har qanday sharoitda qalqimaydigan, mard va qaytmas, ruhan va jismonan chiniqqan, jangovar sharoitda tezkor va to‘g‘ri qarorlar qabul qila oladigan, qo‘shinlarni samarali boshqaradigan, tashabbuskor, nafaqat hozirgi zamonda, balki kelajakda yuzaga keladigan tahdidlarni ham to‘g‘ri baholay oladigan, tahliliy fikrlaydigan yuqori malakali ofitser kadrlar tayyorlash bugungi kunning dolzarb vazifasi bo‘lishi kerak.
O‘zbekiston Respublikasi Prezidenti – Sh.Mirziyoyev
Bizning ta’lim muassasamiz uzoq 1918-yilda Turkiston qo‘mondonlik kurslari sifatida ish boshladi. Ta’lim muassasasi o‘qituvchilariga mazkur bilim yurtni harbiy kadrlar tayyorlash bo‘yicha eng yaxshi o‘quv muassasasi sifatida gapirishlari uchun juda ko‘p kuch sarflashlari kerak edi.
Harbiy san’atning onasi sifatida ta’lim muassasasi bir necha hayotni boshidan o‘tkazdi (uning asrlik tarixida maktab 18 marta o‘zgartirildi), ularning har biri o‘z rivojlanishiga, o‘z cho‘qqisiga chiqdi. Bu yerda, huddi shu devorlarda, ular o‘z davrlarining qahramonlarini tayyorladilar.
Kursantlar o’qishlari uchun eng qulay sharoitlar yaratilgan. Keng va shinam o’quv xonalari va auditoriyalar eng zamonaviy texnologiyalar: televizorlar, interaktiv doskalar, planshetlar, kompyuterlar, videokonfirensiya aloqa tizimlari, zamonaviy vizualizatsiya uskunalari bilan jihozlangan.
Universitetga kirish uchun nimani bilishingiz kerak? Sizning e’tiboringizga abituriyentlar uchun barcha kerakli ma’lumotlarni o’z ichiga olgan eslatmani taqdim etamiz. Eslatmada bo’lajak imtihonlarni topshirish bosqichlari va o‘tish ballari to‘g‘risida ma’lumotlar taqdim etilgan. Eslatma abituriyentlarga Universitetga topshirishga tayyorgarlik ko‘rishda yordam beradi.
